Հայոց ցեղասպանության 100-րդ տարելիցի միջոցառումների շրջանակներում «Մարսել-Պրովանս-Հայաստան-2015» միությունը ՀՀ սփյուռքի նախարարության աջակցությամբ ապրիլի 25-ին Մարսելի Բորսայի պալատում կկազմակերպի  ֆրանս-հայկական գրքի փառատոնը, որի ժամանակ  կներկայացվի աշխարհահռչակ հայազգի շանսոնյե Շառլ Ազնավուրի մասին պատմող Ռիչարդ Ֆինդիկյանի «AZNAVOUR STORY 2015» կամ «Շառլ Ազնավուրը Պրովանսում» և «100-րդ տարելիցի ձիթենին» ֆիլմերի  ցուցադրումը, կկազմակերպվեն հայազգի նկարիչների ցուցահանդեսներ, հանդիպում-քննարկումեր: Այս մասին «Հայերն այսօրին» հաղորդում են Ֆրանսիայի մեր աղբյուրները:

Ապրիլ ամսին  Մարսելում Սփյուռքի նախարարությունը կկազմակերպի «Վանա ծովուն արշալույսը» ֆիլմի ցուցադրությունը` ռեժիսորների ներկայությամբ, հունիսի 21-ին նախատեսված է Նունե Եսայանի բարեգործական համերգը՝ «Կանք, պիտի լինենք ու դեռ շատանանք» խորագրով (Նունե Եսայանի բարեգործական համերգները կազմակերպվելու են նաև  Կիպրոսում, Աթենքում Վիեննայում,  Բելգիայում և Հոլանդիայում):

Հոկտեմբերին Մարսելի «Համազգայինի» և ՀՀ մշակույթի նախարարության հետ համատեղ կկազմակերպվի Հայաստանի պարի պետական համույթի համերգը: