ՀՀ սփյուռքի նախարարության համահայկական ծրագրերի վարչության աշխատակիցները  վարչության պետ Արմեն Անդրեասյանի գլխավորությամբ «Արի տուն» ծրագրի շրջանակներում այցելեցին մայրաքաղաքի՝ սփյուռքահայ երիտասարդների հյուրընկալությամբ առավել աչքի ընկած 8 վարչական շրջանների շուրջ 80 ընտանիք (Մալաթիա-Սեբաստիա, Էրեբունի, Քանաքեռ-Զեյթուն, Շենգավիթ, Դավթաշեն, Աջափնյակ, Նոր-Նորք, Կենտրոն):

 Շնորհակալություն հայտնելով ՀՀ սփյուռքի նախարար Հրանուշ Հակոբյանի անունից՝ նախարարության աշխատակիցները կարևորեցին հյուրընկալ ընտանիքների դերը ծրագրի կայացման, Սփյուռքի երիտասարդներին Հայրենիքին, հայ ընտանիքի բարքերին, ավանդույթներին, առօրյա կենցաղին ծանոթացնելու, և հայ մշակույթին կապելու գործում:

Հյուրընկալող ընտանիքներն իրենց հերթին շնորհակալություն հայտնեցին Սփյուռքի նախարարությանը իրականացրած ծրագրի համար, որն իրենց հնարավորություն է ընձեռում  ծանոթանալ և կապվել օտար ափերում բնակվող մեր հայրենակիցների հետ:

Նախարարության աշխատակիցները նրանց գլոբուս-լուսամփոփ  նվիրեցին:

Մինչ այդ համահայկական ծրագրերի վարչությունը Կոտայքի՝ (Պռոշյան, Եղվարդ), Արագածոտնի՝ (Կարբի, Օշական), Արմավիրի՝ (Արշալույս, Մուսալեռ), Արարատի՝ (Փ. Վեդի, Ավշար, Վեդի, Տափերական, Արարատ) մարզպետարանների միջոցով արիտունցիներին հյուրընկալած ընտանիքներին շուրջ 200  գլոբուս-լուսամփոփ  նվիրեց: