ՀՀ սփիւռքի նախարարութեան համահայկական ծրագիրներու վարչութեան աշխատակիցները  վարչութեան պետ Արմէն Անդրէասեանի գլխաւորութեամբ «Արի տուն» ծրագիրի ծիրէն ներս այցելեցին մայրաքաղաքի` սփիւռքահայ երիտասարդներու հիւրընկալութեամբ առաւել աչքի ինկած 8 վարչական շրջաններու շուրջ 80 ընտանիք (Մալաթիա-Սեբաստիա, Էրեբունի, Քանաքեռ-Զէյթուն, Շէնգաւիթ, Դաւթաշէն, Աջափնեակ, Նոր-Նորք, Կեդրոն):

 Շնորհակալութիւն յայտնելով ՀՀ սփիւռքի նախարար Հրանոյշ Յակոբեանի անունէն` նախարարութեան աշխատակիցները կարեւոր համարեցին հիւրընկալ ընտանիքներու դերը ծրագիրի կայացման, Սփիւռքի երիտասարդներուն Հայրենիքին, հայ ընտանիքի բարքերուն, աւանդոյթներուն, առօրեայ կենցաղին ծանօթացնելու, եւ հայ մշակոյթին կապելու գործին մէջ:

Հիւրընկալող ընտանիքներն իրենց հերթին շնորհակալութիւն յայտնեցին Սփիւռքի նախարարութեան իրականացուցած ծրագիրին համար, որն իրենց հնարաւորութիւն կ’ընձեռէ  ծանօթանալու եւ կապուելու օտար ափերու վրայ բնակող մեր հայրենակիցներուն հետ:

Նախարարութեան աշխատակիցները անոնց երկրագունդ-լուսամփոփ  նուիրեցին:

Մինչ այդ համահայկական ծրագիրներու վարչութիւնը կոտայքի` (Պռոշեան, Եղուարդ), Արագածոտնի` (Կարբի, Օշական), Արմաւիրի` (Արշալոյս, Մուսալեռ), Արարատի` (Փ. Վեդի, Աւշար, Վեդի, Տափերական, Արարատ) մարզպետարաններու միջոցով արիտունցիներուն հիւրընկալած ընտանիքներուն շուրջ 200  երկրագունդ-լուսամփոփ  նուիրեց: