Արևմտահայերեն
Русский
EnglishԱրցախում մեկնարկեց ասմունքի համահայկական փառատոնը
Օգոստոսի 5-ին Արցախի Շուշի քաղաքում «Իմ Հայաստան» համահայակական փառատոնի շրջանակներում մեկնարկեց «Իմ Հայաստան» խորագիրը կրող ասմունքի օրերի միջոցառումը, որին մասնակցում է 87 պատանի և աղջիկ Լիբանանից, Իրանից, ԱՄՆ-ից, Վրաստանից, Սիրիայից, Արցախից և Հայաստանից:
ՀՀ սփյուռքի նախարար Հրանուշ Հակոբյանի անունից մասնակիցներին ողջունեց ՀՀ սփյուռքի նախարարության համահայկական ծրագրերի վարչության պետ Արմեն Անդրեասյանը՝ մաղթելով անմոռանալի օրեր հայկական 2-րդ հանրապետությունում:
Օգոստոսի 5-6-ը բոլոր տարիքային խմբերը մասնակցեցին փառատոնի մրցութային փուլին՝ ներկայացնելով հայազգի գրողների ստեղծագործություններ:
Օգոստոսի 7-ին փառատոնի ժյուրին ամփոփեց մրցույթի արդյունքները:
