Հարգելի հայրենակիցներ,

Տեղեկացնում ենք, որ սկսած 2014 թվականից Սփյուռքում գործող հայկական դպրոցներին, կրթական հաստատություններին, մանկապարտեզներին, հայոց լեզվի ուսուցման խմբակներին, դասարաններին ուսումնական գրականության և այլ ուսումնաօժանդակ նյութերի տրամադրման պետական ծրագիրն իրականացնում է Հայաստանի Հանրապետության սփյուռքի նախարարությունը:

Դասագրքերի և ուսումնաօժանդակ նյութերի ձեռքբերումը, որպես կանոն, իրականացվում է կրթական հաստատությունների կողմից ներկայացվող հայտերի հիման վրա:

 Խնդրում ենք հայկական համայնքային կառույցներին, հայկական կազմակերպություններին, կրթօջախներին, կրթական գործի պատասխանատուներին 2014-2015 ուսումնական տարվա համար անհրաժեշտ նյութերի հայտերը ներկայացվող ցանկին համապատասխան ուղարկել ՀՀ սփյուռքի նախարարություն մինչև ս. թ. ապրիլի 15-ը: Դասագրքերի, մեթոդական ձեռնարկների, ուսումնաօժանդակ նյութերի փաթեթում ներառված անվանացանկի դիմաց անհրաժեշտ է նշել  պահանջվող քանակությունը, իսկ ցանկի վերջում տեղադրել հաստատության կնիքը և կառույցի ղեկավարի, կրթօջախի տնօրենի ստորագրությունը:

Հայտն իր մեջ ներառում է ՝

1.ՀՀ սփյուռքի նախարարի անունով հաստատության ձևաթղթի (բլանկի) վրա գրված  դիմումը,

2.պահանջվող ուսումնական նյութերի վերոնշյալ ցանկը :

Միաժամանակ ուղարկում ենք կրթօջախների   մասին հարցաթերթիկը և խնդրում  ուսումնական նյութերի հայտերն   ու լրացված  հարցաթերթիկներն   ուղարկել  ՀՀ  սփյուռքի նախարարություն հետևյալ հասցեներով՝ 

ՀՀ, ք. Երևան,  0010, Վազգեն Սարգսյան 26/1 կամ   հետևյալ էլ. փոստի հասցեներով. gitakrtakan.diaspora@yandex.ru,gitakrtakan-diaspora@mail.ru, mshakuyt.diaspora@mail.ru,  mindiaspora@yahoo.com,   contact@mindiaspora.am: 

 Ձեզ հետաքրքրող հարցերով կարող եք դիմել ՀՀ սփյուռքի նախարարության համահայկական ծրագրերի վարչության գիտակրթական ծրագրերի բաժին:         Հեռ.՝ +37410 58 56 01 (117):

Դասագրքերի և ուսումնաօժանդակ նյութերի ձեռբերման համար անհրաժեշտ ուսումնական նյութերի ցանկը և հարցաթերթիկը ներառող փաթեթը ներկայացվում է կից:

 Tsank

Harcatertik