Թուրքիոյ արեւելեան շրջաններուն մէջ անհանգիստ վիճակը կը շարունակուի: Տիարպեքիրի Սուրի շրջանին մէջ գտնուող հայկական պատմական Սուրբ Կիրակոս հայկական եկեղեցւոյ մօտակայքը  ինքնաշէն ռումբ պայթած է, որուն  հետեւանքով կոտրուած են եկեղեցւոյ ապակիները: Թրքական  «aktifhaber» լրատուական կայքի համոզմամբ` ռումբը տեղադրած էին «Քիւրտիստանի բանուորական կուսակցութեան»  (ՔԲԿ-PKK) զինեալները: Այս մասին «Հայերն այսօրի» փոխանցմամբ` կը հաղորդէ ermenihaber.am-ը:

Բացի այն, որ եկեղեցւոյ ապակիները կոտրուած են, եկեղեցւոյ ցուցանակին վրայ յայտնաբերուած են փամփուշտներու հետքեր:

Շրջանի Հասըրլը թաղամասի  շարք մը փողոցներուն մէջ յայտնաբերուած են ականանետեր: Այժմ կը պարզուին դէպքի մանրամասները: