Notice: Uninitialized string offset: 2 in /home3/azerytoday/public_html/hayerold/wp-content/plugins/qtranslate-x/qtranslate_utils.php on line 501

Notice: Uninitialized string offset: 2 in /home3/azerytoday/public_html/hayerold/wp-content/plugins/qtranslate-x/qtranslate_utils.php on line 501

Notice: get_currentuserinfo is deprecated since version 4.5.0! Use wp_get_current_user() instead. in /home3/azerytoday/public_html/hayerold/wp-includes/functions.php on line 3839

20 տարի առաջ էր, երբ Լոս Անճելըսի «Վահան եւ Անոյշ Շամլեան» դպրոցի տնօրինութիւնը որոշեց դպրոցի աշակերտները բերել Հայաստան: Այսօր արդէն սփիւռքի նախարարի պաշտօնակատար Բաբգէն Տէր Գրիգորեան այն ժամանակ առաջիններէն էր, որ դպրոցի կազմին մէջ եկաւ հայրենիք, այցէն ետք  սկսաւ մտածել հայրենադարձուելու      մասին:

Շաբաթ օրը` ապրիլ 13-ին, «Զուարթնոց» օդակայանին մէջ Տէր Գրիգորեան դիմաւորեց հարազատ դպրոցի աշակերտները, որոնք 12 օրուայ ընթացքին պիտի շրջին Հայաստանի մէջ ու պիտի ծանօթանան հայկական մշակոյթին:

Ողջունելով դպրոցի ուսուցիչները եւ սաները` սփիւռքի նախարարի պաշտօնակատարը  շատ կարեւոր համարեց նման այցելութիւնները, որոնք թոյլ կու տան Հայաստանը բացայայտել տարբեր կողմերէ: Ըստ անոր` նման նախաձեռնութիւնները յատկապէս էական են փուլային հայրենադարձութեան ծիրէն ներս, երբ դեռ վաղ հասակէն երեխաները կը սկսին մտածել հայրենիքի, անոր հնարաւորութիւններուն եւ հեռանկարներուն մասին: «Վստահ եմ` քանի մը տարի անց հէնց այս պայծառ երիտասարդներէն   մաս մը կը յայտնուի Հայաստանի կառավարութեան մէջ»,-նշեց Բաբգէն Տէր Գրիգորեան:

Ան բարձր գնահատեց նաեւ 1975  թուականէն գործող կրթական հաստատութեան ներդրումը հայապահպանութեան, հայեցի դաստիարակութեան, Հայաստան-սփիւռք կապերն ամրապնդելու գործին մէջ: