Յուլիս 10-ին, ժ.16:30-ին ԵՊՀ մշակոյթի կենդրոնին մէջ տեղի կ’ունենայ ՀՀ սփիւռքի նախարարութեան «Սփիւռք» ամառնային դպրոց – 2015» ծրագիրի բացման հանդիսաւոր արարողութիւնը (հասցէն` ԵՊՀ, Ա.Մանուկեան 1, կեդրոնական մասնաշէնք, 6-րդ յարկ):

Բացման խօսքով հանդէս կու գայ ՀՀ սփիւռքի նախարար Հրանոյշ Յակոբեան:

Մասնակիցներուն կ’ողջունեն ԵՊՀ մշակոյթի կեդրոնի սաները:

«Սփիւռք» ամառնային դպրոցը կը մեկնարկէ հայոց լեզուի արագացուած ուսուցման դասընթացներով, որուն կը մասնակցի 126 սփիւռքահայ Ռուսաստանէն, Ուքրանիայէն, Վրաստանէն, Լիբանանէն, ԱՄՆ-էն, Ռումանիայէն, Իտալիայէն, Սպանիայէն եւ Չեխիայէն:

 Դպրոցին մէջ պիտի գործեն  դասընթացներ վեց ուղղութիւններով.

1.Հայոց լեզուի արագացուած ուսուցում (Յուլիս 9 – Օգոստոս 1),

2.Կրթօճախներու հայոց լեզուի ուսուցիչներու, կրթական գործի կազմակերպիչներու  վերապատրաստում (Յուլիս 14 – Օգոստոս 1),

3.Սփիւռքի լրագրողներու դասընթացք (Յուլիս 21 – Օգոստոս 1),

4.Ազգային երգի ու պարի խմբավարներու, պարուսոյցներու վարպետութեան դասընթացներ (Յուլիս 21 – Օգոստոս 1),

5.Սփիւռքահայ երիտասարդ առաջնորդներու դասընթացք (Յուլիս 21 – Օգոստոս 1), 

6.Սփիւռքի մէջ համայնքային գործի կազմակերպիչներու դասընթացք (Յուլիս 26 – Օգոստոս 1):