Հարգելի պարոն Հախվերդյան,

ՀՀ սփյուռքի նախարարության և անձամբ իմ անունից սիրով և ջերմությամբ  ողջունում եմ Ձեզ և շնորհավորում «Աբովյան» մշակութային միության 30-ամյա հոբելյանը:

Բարձր եմ գնահատում «Աբովյան» մշակութային միության դերը հայկական  մշակույթի և հայ ինքնության պահպանման գործում, ինչպես նաև կարևորում միության նյութական և հոգևոր ներդրումը Նիդերլանդների  հայ համայնքի համախմբման գործում:

Լիահույս եմ, որ միությունը Ձեր գլխավորությամբ դեռ երկար տարիներ կշարունակի իր ազգապահման կարևոր գործունեությունը՝ նիդերլանդաբնակ մեր հազարավոր հայրենակիցներին սերմանելով հայեցի մտածողություն, հայկական արժեքներ՝  պահպանելով հայ մշակույթն ու պատմությունը:

Կրկին շնորհավորում եմ Ձեզ և միության ստեղծագործական խմբին, մաղթում ուժ, եռանդ Ձեր հայրենանվեր գործում, ինչպես նաև երկարամյա բեղուն գործունեություն՝ ի շահ հայ ժողովրդի և  Հայաստան-սփյուռք գործակցության զարգացման և հզորացման:

Հարգանքով `

ՀՐԱՆՈՒՇ ՀԱԿՈԲՅԱՆ