ԲԵԼԳԻԱՅՈՒՄ ՀԱՅԵՐԻ ԿՈՄԻՏԵԻ ՆԱԽԱԳԱՀ

ՊԱՐՈՆ ՄԻՇԵԼ ՄԱՀՄՈՒՐՅԱՆԻՆ

Հարգելի´ պարոն Մահմուրյան,

Սիրով ողջունում ենք Ձեզ և հայտնում մեր խորին երախտագիտությունը՝ «Հայոց ցեղասպանության 100-րդ տարելիցին նվիրված միջոցառումները համակարգող՝ Եվրոպայում գործող տարածաշրջանային հանձնախմբերի ղեկավարների և ներկայացուցիչների» հավաք-հանդիպման անցկացման նպատակով «Հայ տուն» մշակութային կենտրոնի դահլիճը տրամադրելու համար: Բոլորովին այլ իմաստ և նշանակություն ուներ այդ ազգային հավաքի կազմակերպումը հենց «Հայ տան» պատերի ներքո, «մեր տարածքում»:

Անգնահատելի է հայապահպանությանը, հայեցի կրթությանն ու դաստիարակությանը միտված Ձեր գործունեությունը: Բրյուսելում բնակվող ամեն մի հայ գիտի, որ «Հայ տան» դռները միշտ բաց են իր առջև. տուն, որտեղ նա կարող է գտնել հայկական ոգի և շունչ:

Կրկին շնորհակալություն եմ հայտնում Ձեզ, «Հայ տան» ողջ անձնակազմին, հատկապես  Պետիկ Պետրոսյանին՝ հավաք-հանդիպման կազմակերպմանը օգնելու համար:

Մաղթում ենք Ձեզ անսպառ եռանդ՝ Ձեր հայրենանվեր և հայանպաստ գործունեության ընթացքում: Եվ սիրով հրավիրում եմ մասնակցելու մայիսի 26-27-ին Հայստանում տեղի ունեցող հավաքին և Հայոց ցեղասպանության 100-րդ տարելիցին նվիրված միջոցառումները  համակարգող  պետական հանձնաժողովի նիստին:

Հարգանքով՝

ՀՀ ՍՓՅՈՒՌՔԻ ՆԱԽԱՐԱՐԻ ՊԱՇՏՈՆԱԿԱՏԱՐ

ՀՐԱՆՈՒՇ ՀԱԿՈԲՅԱՆ