Արևմտահայերեն
Русский
EnglishՄեկնարկեց «Արի տուն-2018» ուսումնաճանաչողական ծրագրի 2-րդ փուլը
Notice: get_currentuserinfo is deprecated since version 4.5.0! Use wp_get_current_user() instead. in /home3/azerytoday/public_html/hayerold/wp-includes/functions.php on line 3839
Հուլիսի 9-ին Սփյուռքի նախարարությունում տեղի ունեցավ «Արի տուն» ուսումնաճանաչողական ծրագրի անցումային փուլը, որին մասնակցում են 30 սփյուռքահայ պատանիներ Ռուսաստանի Դաշնությունից, Հունգարիայից, Բելգիայից, Ֆրանսիայից, Մակեդոնիայից:
Սփյուռքի նախարար Մխիթար Հայրապետյանը ողջունեց երիտասարդներին՝ ցանկանալով, որ նրանք ավելի լավ ծանոթանան իրենց հայրենիքին, սիրեն այն ու նորից ցանկանան վերադառնալ: «Սա նոր Հայաստանն է, որտեղ երկրի տերը մենք բոլորս ենք: Այսօր փողոցով քայլելիս՝ կտեսնեք ժպտացող մարդկանց, ովքեր ուրախ են, որ հայ են և ապրում են Հայաստանում: Վստահ եմ, որ դուք սիրահարվելու եք Հայաստանին: Թավշյա հեղափոխության շնորհիվ այսօր ամբողջ աշխարհն է խոսում Հայաստանի մասին, վստահ եմ, որ ձեր շնորհիվ նույնպես կլսեն և կճանաչեն Հայաստանը: Սա մեր բոլորի հաղթանակն է: Այս օրերի ընթացքում կբարելավեք լեզվի ձեր իմացությունը, կայցելեք Հայաստանի պատմամշակութային վայրեր, սակայն պիտի խնդրեմ, որ շատ շփվեք հասարակ մարդկանց հետ, ճանաչեք ձեր հայրենիքը ավելի խորքից»,- նշեց Մխիթար Հայրապետյանը:
Ծրագրի ընթացքում մասնակիցները կլինեն Հայաստանի պատմամշակութային վայրերում, թանգարաններում, կայցելեն «Թումո» կենտրոն, կլինեն Սուրբ Էջմիածնում, շախմատի մրցախաղ կունենան Սփյուռքի նախարարի հետ, կհանդիպեն մշակույթի գործիչներին:
