Փետրվարի 28-ին Սան Ֆրանցիսկոյի «Ոսկե դարպասներ» կամրջին տեղի է ունեցել Հայոց ցեղասպանության 100-րդ տարելիցը հիշատակող երթ: Քայլերթին մասնակցել է մոտ 1000 մարդ:

Այն կազմակերպել էին տեղի հայ համայնքի ղեկավարները և կրոնական առաջնորդները, հաղորդում է The Examiner պարբերականը: «Քայլերթը նվիրված էր ոչ միայն Հայոց ցեղասպանության, այլև բոլոր ցեղասպանությունների զոհերի հիշատակին», – ասել է երթի մասնակցիներից մեկը՝ Սան Ֆրանցիսկոյի հայ համայնքի ակտիվիստ Ալեքս Բասթյանը: