02/10/2017   ՀՀ սփյուռքի նախարարություն, Գլխավոր   No comments

Պոլսահայ երգահան Մաժակ Թոշիկյանն այցելեց Սփյուռքի նախարարություն

Հոկտեմբերի 2-ին ՀՀ սփյուռքի նախարար Հրանուշ Հակոբյանն ընդունեց պոլսահայ երգահան Մաժակ Թոշիկյանին և օպերային երգիչ Պողոս Եղիազարին:

Նախարարը ողջունեց հյուրերին, կարևորեց տաղանդավոր երգահանի ներդրումը՝ հայ երաժշտարվեստը պահպանելու, հայկական մշակույթը սփյուռքում տարածելու գործում,և հետաքրքրվեց տաղանդավոր երգահանի նոր ստեղծագործական ծրագրերով ու մտահղացումներով:

Մաժակ Թոշիկյանը շնորհակալություն հայտնեց ջերմ խոսքերի համար, նշեց, որ աշխատում է Գևորգ Էմինի «Պարեց Սասուն» բանաստեղծության մոտիվներով նոր երաժշտական կոմպոզիցիայի վրա, որը Հայաստանում ներկայացնելուց հետո մտադիր է բեմադրել նաև Թուրքիայում. «Ուզում եմ հայ երգն ու պարը ակադեմիական մակարդակով հնչեցնել նաև Թուրքիայում», – հավելեց երգահանը:

Հայրենիքին և Սփյուռքին մատուցած ծառայությունների և հայապահպանության գործում ունեցած նշանակալի ներդրումների համար պոլսահայ տաղանդավոր երգահան Մաժակ Թոշիկյանը պարգևատրվել է Սփյուռքի նախարարության Ոսկե հուշամեդալով:

 

  1. ՀՀ սփյուռքի նախարար Հրանուշ Հակոբյանը ճանաչվել է «2013 թվականի լավագույն նախարար»
  2. ՀՀ սփյուռքի նախարարն ընդունեց Ստամբուլի «Ժամանակ» թերթի խմբագիր Արա Գոչունյանին
  3. «Ինձ հիացնում է սիրիահայերի աշխատասիրությունը, նվիրումը և ճաշակը».Հրանուշ Հակոբյան
  4. Տեղի ունեցավ նկարչուհի Րիհամ Աֆիֆիի «Լեգենդների աշխարհում» պատկերագրքի շնորհանդեսը
Scroll Up