Փետրվարի 19-ին, ժամը 15:00-ին ՀՀ ԳԱԱ Աճառյանի անվան լեզվի ինստիտուտում (Հասցե` Գր.Լուսավորիչ 15, 2-րդ հարկ) ՀՀ սփյուռքի նախարարության և Աճառյանի անվան լեզվի ինստիտուտի հետ համատեղ Մայրենիի օրվան ընդառաջ տեղի կունենա «Հայոց լեզվի ուսումնասիրության արդի հիմնահարցեր» խորագրով հանրապետական խորհրդակցություն:

Ելույթներվ հանդես կգան  ՀՀ Սփյուռքի նախարար Հ. Հակոբյանը, ՀՀ   ԳԱԱ   ՀՀԳԲ  ակադեմիկոս – քարտուղար Յու.Սուվարյանը, ՀՀ   ԳԱԱ   ԼԻ  տնօրեն Վ.Կատվալյանը և այլք:

Միջոցառմանը կմասնակցեն անվանի լեզվաբաններ, ԲՈՒՀ-երի ներկայացուցիչներ:

Կքննարկվեն հայոց լեզվի ուսումնասիրության հարցեր, կներկայացվեն հանրապետության գիտակրթական հաստատություններում մայրենիի հետազոտության տարբեր ուղղություններն ու եղանակները, կհստակեցվեն առկա խնդիրները և համագործակցության հնարավորությունները: