Նոյեմբեր 5-ին Ֆրանսայի Հայկական հիմնադրամը լրացուցիչ 40 հազար եւրոյի օգնութիւն  փոխանցած է Սուրիոյ հայութեան: Այն հաւաքուած է նուիրատուութիւններու արդիւնքով, որուն մասին կոչ ուղղուած էր Յունիս 19-ին:

Այս մասին ինչպէս կը հաղորդէ «Հայերն այսօր»-ը` վկայակոչելով «Nouvelles d’Armռnie»-ն:  Բացի այդ, Ֆրանսայի Հայկական հիմնադրամը Կիլիկիոյ կաթողիկութեան միջոցով Սուրիոյ հայ համայնքներուն արդէն 250 հազար եւրօ  փոխանցած է:

Ֆրանսայի Հայկական հիմնադրամը կը ծրագրէ Սուրիոյ հայերուն համար աւելի շատ օգնութիւն հաւաքել հեռախօսամարաթօնի ընթացքին, որ տեղի պիտի ունենայ  Նոյեմբեր 19-23 Մարսէլի, Լիոնի, Թուլուզի եւ Փարիզի մէջ:

Սուրիոյ մէջ պատերազմի եւ ճիհատականներու աւերիչ գործողութիւններու հետեւանքով Հալէպ ու Քեսապ քաղաքներու հայ համայնքներն անյապաղ օգնութեան կարիքը ունին, որպէսզի կարենան պահպանել իրենց դպրոցները, հաստատութիւններն ու սոցիալ-բժշկական ենթակառուցուածքները: