Սիրելի’ հայրենակիցներ,

Սուրիոյ` մասնաւորապէս Հալէպի մէջ, վտանգուած է հայկական երբեմնի ծաղկուն ու բարգաւաճ հայ համայնքի գոյութիւնը: Վերջին ժամանակներուն առաւել մեծ յաճախականութեամբ կը ռմբահարուին Հալէպի հայաշատ թաղամասերը, ի մասնաւորի` բացառապէս հայերով բնակեցուած Նոր Գիւղ թաղամասը: Դժբախտաբար կան զոհեր ու վիրաւորներ: Գրեթէ աւերուած են երբեմնի շէն ու ծաղկուն թաղամասերը, կը խոնարհուին հայկական եկեղեցիներն ու դպրոցները, ակումբներն ու մշակութային կեդրոնները:

Սուրիոյ մեր քոյրներն ու եղբայրները զրկուած են գոյատեւելու ամենատարրական միջոցներէն, օրերով զրկուած են ջուրէն ու սնունդէն…

ՀՀ նախագահ, «Հայաստան» համահայկական հիմնադրամի հոգաբարձուներու խորհուրդի նախագահ Սերժ Սարգսեանի առաջարկով Հիմնադրամին բացուած է դրամային եւ արտարժոյթային դրամատնային հաշիւներ` աղէտի մէջ յայտնուած սուրիահայութեան օգնելու նպատակով:

Դիմելով մեր համահայկական կազմակերպութիւններուն, հայկական կառոյցներուն` կը խնդրենք Ձեր բնակութեան երկիրներու քաղաքական ղեկավարութենէն պահանջել աջակցիլ Սուրիոյ մէջ խաղաղութեան հաստատման գործընթացքին, ինչպէս նաեւ կազմակերպել նիւթական միջոցներու հաւաքում` Սուրիոյ մէջ բնակող մեր հայրենակիցներուն օգնելու համար:

Ստորեւ նշուած են «Հայաստան» համահայկական հիմնադրամի հաշուեհամարները սուրիահայութեան օժանդակութեան նպատակով:

«Արդշինինվեստբանկ» ՓԲԸ

ՀՀ. ք Երեւան, Գ.Լուսաւորչի 13, 0015

հ/հ No 2470100030900000 (AMD)

հ/հ No 2470100030900001 (USD)

SWIFT: ASHBAM22

«Հայաստան» համահայկական հիմնադրամ

«Կոնվերս Բանկ» ՓԲԸ

ՀՀ. ք Երեւան, Վ. Սարգսեանի 26/1, 375010

հ/հ 1930000081130104 (EUR)

SWIFT: COVBAM22

«Հայաստան» համահայկական հիմնադրամ

ՀՀ սփիւռքի նախարար

Հրանոյշ Յակոբեան