«Հայաստան» Համահայկական Հիմնադրամի Կոչը` ՀԱՄԱՅՆ ՀԱՅՈՒԹԵԱՆ

Սիրելի հայրենակիցներ,

Քոյրեր եւ եղբայրներ,

Վերջին օրերուն մենք վկայ ենք Քեսապի ողբերգական իրադարձութիւններուն, դէպքերուն, որոնք կը գրգռեն  մեր յիշողութեան մէջ հայ ժողովուրդի պատմութեան ամենատխուր էջերը: Արդէն ակնյայտ է, որ գործ ունինք մարդկային աղէտի հետ:

Այս փորձութեան պահուն մենք կոչ կ’ընենք հայրենաբնակ եւ սփիւռքահայ բոլոր անհատներուն եւ կազմակերպութիւններուն բարոյական եւ մանաւանդ նիւթական աջակցութեամբ սատարել ծանր օրեր ապրող քեսապահայութեան:

Բացուած է յատուկ հաշուեհամար այդ նպատակով: Մենք կոչ կ’ընենք ձեր նուիրատուութիւնները ուղղել այդ հաշուեհամարին: Մեր պարտքն է գոնէ փոքր չափով մեղմել մեր հայրենակիցներու ցաւն ու կորուստները:

Ողբերգութիւնը, որ դեռ կը շարունակուի, միայն Քեսապի հայերունը չէ:
Հարուածը ուղղուած է ամբողջ հայութեան: Սա բոլորիս հարցն է եւ բոլորիս մարտահրաւէրը:

Ձեր նուիրատուութիւնները կրնաք ուղղել Արդշինինվեստ դրամատան  մէջ բացուած հետեւեալ հաշուեհամարներուն`

247010003090 (ՀՀ դրամ)
247010003090/0001 (ԱՄՆ տոլար)
SWIFT: ASHBAM22

Scroll Up