Մայիս 11-ին ՀԲԸՄ Նիտերլանտներու մասնաճիւղի հրաւէրով Ալմելոյի Հայ Առաքելական եկեղեցւոյ սրահին մէջ  հիւրընկալուած էր Քալիֆորնիոյ համալսարանի դասախօս, յայտնի  հայագէտ, դոկտոր-փրոֆէսոր Ռիչարդ  Յովհաննիսեան:

Հանդիպման ներկայ էին Նիտերլանտներու մօտ ՀՀ դեսպան Ձիւնիկ Աղաջանեան, հայկական տարբեր կառոյցներու ղեկավարներ եւ ներկայացուցիչներ:

Բացման խօսքով հանդէս եկաւ ՀԲԸՄ փոխնախագահ Յարութ Փալանջեան, որ ողջունեց Ռ.Յովհաննիսեանը` հրաւէրն ընդունելու առիթով:

Քանի որ մայիս 11-ը Նիտերլանտներու մէջ կը  նշուի որպէս Մայրութեան օր, այդ առիթով Յարութ Փալանջեան ծաղկեփունջ նուիրեց փրոֆէսորի կնոջը` Վարդիթեր Յովհաննիսեանին:

Ելոյթով հանդէս եկաւ նաեւ ՀՀ դեսպան Ձիւնիկ Աղաջանեան:

Ռ. Յովհաննիսեան հանգամանօրէն ներկայացուց Հայոց ցեղասպանութեան հետեւանքները: Լուսանկարներու եւ տեսաֆիլմերու միջոցով ներկայացուեցաւ ներկայիս Թուրքիոյ տարածքին մէջ ապրող ծպտուած հայերու կարգավիճակը, անրադարձ եղաւ  Համշենահայերու ներկայիս կեանքին, կենցաղին,զբաղմունքին եւ խնդիրներուն:

Հանդիպումը անցաւ ջերմ եւ հետաքրքիր մթնոլորտի մէջ:

Մանուկ Մկրտչեան

Ալմելօ, Հոլանտա