Մայիս 8-ին,  ժամը 14.00-ին ՀՀ սփիւռքի նախարարութեան մէջ տեղի պիտի ունենայ  Սփիւռքի երիտասարդներու հայրենաճանաչութեան §Արի տուն», §Սփիւռք» ամառնային դպրոց ծրագիրներու, 2014 թուականի §Իմ Հայաստան» համահայկական փառատօնի եւ §Հայապահպանութեան գործին մէջ նշանակալի աւանդի համար»  2014թ. մրցանակաբաշխութեան վերաբերեալ մամլոյ ասուլիս (հասցէ` §Էրեբունի պլազա» , բիզնես կեդրոն, 5 -րդ յարկ, 503 սենեակ):

§Արի տուն» ծրագիրը պիտի ներկայացնէ գլխաւոր բանախօս, ՀՀ սփիւռքի նախարարութեան աշխատակազմի ղեկավար Ֆիրդուս Զաքարեան: 2014թ. ծրագիրը եւս կ’իրականացուի շրջայցերու եւ ճամբարային փուլերով: Սփիւռքահայ պատանիներն ու աղջիկները կը ծանօթանան Հայաստանի պատմամշակութային յուշարձաններուն, թանգարաններուն, տեսարժան վայրերուն:

Կը շարունակուի հայոց լեզուի արագացուած ուսուցման 5 օրեայ ծրագիրը, ճամբարային օրերուն` ազգային երգի, պարի, հայրենագիտութեան դասընթացները, մարզական ձեռնարկները, հանդիպումները ՀՀ պետական այրերու, մշակութային եւ անուանի գործիչներու հետ:

Այս տարի եւս  ծրագիրը կ’իրականացուի 8 փուլով: Այն կը մեկնարկէ  յունիս 15-ին եւ կ’աւարտէ օգոստոս 30-ին: Կը սպասուի մինչեւ 1000 սփիւռքահայ երիտասարդի մասնակցութիւն:

§Իմ Հայաստան» համահայկական փառատօնը պիտի ներկայացնեն փառատօնի ղեկավար Սամուէլ Հարոյեանը եւ գեղարուեստական խորհուրդի անդամները:

Ծրագիրը կը մեկնարկէ յուլիս 1-ին եւ կ’ընթանայ 5 փուլով` §Պարարուեստի օրեր», §Խմբերգային արուեստի օրեր», §Ասմունքի երեկոյ», §Տուտուկի եւ հայկական այլ նուագարաններու փառատօն», §Հայ երգի օր»: Փառատօնի ծրագիրի ծիրէն ներս կ’իրականացուին ձեռնարկներ Հայաստանի տարբեր քաղաքներու եւ Արցախի մէջ:  Փառատօնը կ’եզրափակուի սեպտեմբեր 26-ին §Հայ երգի օր»-ով, որուն ծիրէն ներս  տեղի կ’ունենայ 36 հատորէ բաղկացած §Ազգային երգարան» մատենաշարի շնորհանդէս եւ շքահամերգ:

Համահայկական ծրագիրներու վարչութան պետ Արմէն Անդրէասեանը պիտի ներկայացնէ §Սփիւռք» ամառնային դպրոցը, որ 2014թ. կ’իրականացուի վեց ուղղութիւններով` §Սփիւռքի հայկական կրթօճախներու ուսուցիչներու վերապատրաստում», §Սփիւռքի լրագրողներու դասընթացք», §Սփիւռքահայ երիտասարդ առաջնորդներու դասընթացք», §Հայոց լեզուի (արեւելահայերէն եւ արեւմտահայերէն) արագացուած դասընթացներ», §Ազգային երգի, պարի ուսուցիչներու վերապատրաստման դասընթացներ», §Սփիւռքի հայկական համայնքային կառոյցներու ներկայացուցիչներու եւ աշխատակիցներու վերապատրաստում»:

ՀՀ սփիւռքի նախարարութեան, Համաշխարհային հայկական կոնգրէսի եւ Ռուսաստանի հայերու միութեան §Հայապահպանութեան գործին մէջ նշանակալի աւանդի համար»   մրցանակաբաշխութիւնը պիտի ներկայացնէ  համահայկական ծրագիրներու վարչութեան գիտակրթական ծրագիրներու բաժինի պետ Սիրվարդ Համբարեան:  2014թ. Պիտի իրականացուի §Մայրենիի պաշտպան», §Լաւագոյն ամենօրեայ  կրթօճախ»,  §Լաւագոյն լրատուամիջոց» անուանակարգերով եւ §Մենք եղել ենք, մենք կանք, մենք կը լինենք» խորագիրով ցեղասպանութեան 100-րդ տարելիցին նուիրուած շարադրութիւններու մրցոյթ: