Մարտ 28-ին, ժամը 15:00-ին ՀՀ սփիւռքի նախարարութեան մէջ տեղի պիտի ունենայ §Հայապահպանութեան գործին մէջ նշանակալի աւանդի համար» 2013 թուականի մրցանակաբաշխութեան արդիւնքներու ամփոփման եւ տիպլոմներու յանձնման հանդիսաւոր արարողութիւնը (հասցէ` Վ. Սարգսեան 26/1, §Էրեբունի պլազա» բիզնես կեդրոն, 9-րդ յարկ, §Էրեբունի» սրահ):

Ողջոյնի խօսքով հանդէս պիտի գայ ՀՀ սփիւռքի նախարար Հրանոյշ Յակոբեան: Ձեռնարկին  պիտի մասնակցին նաեւ Համաշխարհային հայկական կոնգրէսի փոխնախագահ Արամ Սարգսեան եւ Ռուսաստանի հայերու միութեան  փոխնախագահ Վլատիմիր Աղայեան:

§Հայապահպանութեան գործին մէջ նշանակալի աւանդի համար» ամենամեայ մրցանակաբաշխութիւնը կ’իրականացուի Համաշխարհային հայկական կոնգրէսի եւ Ռուսաստանի հայերու միութեան հետ համատեղ` 2010 թուականէն:

Մրցանակաբաշխութեան ծիրէն ներս մրցոյթները իրականացուած են 2013թ. հետեւեալ անուանակարգերուն`

§Մայրենիի պաշտպան»,

 §Երիտասարդական/ուսանողական կազմակերպութիւն»,

 §Լաւագոյն մանկական ստեղծագործութիւն»` §Հայրենիք, քեզ այսպիսին եմ տեսնում» եւ §Մայր իմ անուշ ու անգին»,

§ԱՊՀ երկիրներու լաւագոյն հայկական համայնք»

Մրցոյթին մասնակցած են 158 անհատ եւ կազմակերպութիւն շուրջ 10 երկրէ: Բոլոր անուանակարգերուն համար սահմանուած են գլխաւոր, 1-ին, 2-րդ, 3-րդ կարգի եւ խրախուսական մրցանակներ: