Սեպտեմբեր 18-20 Երեւանի Կարէն Դէմիրճեանի անուան մարզահամերգահին համալիրին մէջ կայանալիք «Փոխադարձ վստահութիւն, միասնականութիւն եւ պատասխանատուութիւն» խորագիրով  Հայաստան-Սփիւռք համահայկական 6-րդ համաժողովին պիտի մասնակցի հոգեւոր, համահայկական կառոյցներու շուրջ 500 մասնակից.

Մայր Աթոռ Սուրբ Էջմիածին, Մեծի Տանն Կիլիկիոյ Կաթողիկոսութիւն, Հայ Կաթողիկէ Եկեղեցի, Հայ Աւետարանական Եկեղեցի, Երուսաղէմի Հայոց Պատրիարքութիւն, Հայ յեղափոխական դաշնակցութիւն (ՀՅԴ), Համազգային հայ կրթական եւ մշակութային միութիւն, Հայ մարմնակրթական  ընդհանուր միութիւն (ՀՄԸՄ), Ռամկավար ազատական կուսակցութիւն (ՌԱԿ), Սոցիալ-Դեմոկրատ հնչակեան կուսակցութիւն (ՍԴՀԿ), Ամերիկայի հայկական համագումար (ԱՀՀ), Հայկական բարեգործական ընդհանուր միութիւն (ՀԲԸՄ), «Հայաստան» համահայկական հիմնադրամ, Ռուսաստանի հայերու միութիւն (ՌՀՄ) եւ Համաշխարհային հայկական կոնգրէս, Հայ օգնութեան միութիւն (ՀՕՄ), Հայ օգնութեան ֆոնտ (ՀՕՖ), «Գալուստ Կիւլպէնկեան» հիմնարկութիւն, «Վարդանանց ասպետներ», «Ճինիշեան յիշատակի ծրագիր», «Փիւնիկ» մարդկային պաշարներու զարգացման հիմնադրամ, «Հայաստանի զարգացման նախաձեռնութիւններ», (IDeA) բարեգործական հիմնադրամ, «Տաշիր» բարեգործական հիմնադրամ, «Պօղոսեան» հիմնադրամ, «Հովարտ Գարակէօզեան» յիշատակի ընկերակցութիւն, «Իզմիրլեան» հիմնադրամ, Ճարտարապետներու եւ ճարտարագէտներու համահայկական ընկերակցութիւն (ՃՃՀԱ), Թուֆէնկեան բարեգործական հիմնադրամ, «Գաֆէսճեան թանգարան» հիմնադրամ, «Լոյս» հիմնադրամ, «Հայաստանի մանուկներ» հիմնադրամ, «Հայկական Կարիտաս» բարեսիրական հ/կ, «Այբ» կրթական հիմնադրամ, Հայ-ամերիկեան առողջութեան կենդրոն, «Դէպի Հայք» հիմնադրամ, «Յովնանեան ինտերնէյշնլ» ընկերութիւն:

Հայաստան -Սփիւռք հերթական  համաժողովն այն հարթակն է, ուր  ի մի կը բերուին եւ կ’ամփոփուին Հայաստան-Սփիւռք գործակցութեան ձեռքբերումները` վեր հանելով հայութեան առջեւ ծառացած մարտահրաւէրները եւ նախանշելով ապագային միտուած ընելիքները: