«ՀՀ սփիւռքի նախարարութեան հայրենաճանաչութեան «Արի տուն» ծրագիրի ծիրէն ներս 2015 թուականին առաջին անգամ աղջիկս հիւրընկալած էր Վրաստանէն եկած երկու տղաներ, իսկ անցեալ տարի երկու տղաներ` Պուլկարիայէն` Արման-Օննիկը եւ ՌԴ-էն` Դանիէլը, ես որոշեցի հիւրընկալել»,--«Հայերն այսօր»-իհետ զրոյցին ըսաւ Վերա Քալաշեան եւ աւելցուց, որ ջերմօրէն, հարազատ թոռներու նման անոնց ընդունած են: Տաս օրերուն ընթացքին բնակարանին մէջ այնպիսի մթնոլորտ  ստեղած է, որպէսզի տղաները իրենց հայկական միջավայրի մէջ զգային, կապուէին իրենց արմատներուն:

Տիկին Վերայի թոռնիկը 15 տարեկան է եւ հեշտութեամբ  մտերմացած է հասակակիցներունհետ. միասին իջած են բակ` խաղալու, լողաւազան գացած են:

Հարցին, թէ ինչպէս կը բնութագրէ երիտասարդներուն, Վերա Քալաշեան ըսաւ, որ Արման-Օննիկը ժպտադէմ, պայծառ տղայ է, հիացած է անոր` Հայաստանի, հայ ժողովուրդի հանդէպ ունեցած հետաքրքրութիւնով, խելացի մտածելակերպով, իսկ Դանիէլը քիչ մը  ներփակ, ամչկոտ անձնաւորութիւն  եղած է, բայց բոլոր նպաստաւոր պայմանները ստեղծած են, որ ան եւս մտերմանայ ընտանիքին հետ: Ծրագիրի աւարտէն ետք մշտական կապի մէջ կը գտնուին:

Դանիէլն ու Արման-Օննիկը շատ գոհ մնացած են  «Արի տուն» ծրագիրէն: Ամէն առաւօտ ոգեւորութեամբ  արթնցած են եւ ուրախ-զուարթ շրջագայութիւններու գացած, իսկ տուն վերադառնալով` ընտանիքի անդամներուն հետ կիսուած են իրենց տպաւորութիւններով, թէ ինչ տեսարժան վայրեր  այցելած են ու ինչպիսի մարդոց հանդիպած: Աննկարագրելի եղած է անոնց ուրախութիւնը Ծաղկաձորի մէջ անցուցած ճամբարային օրերը, որոնց նաեւ տիկին Վերայի թոռնիկը  մասնակցած է: Այդ 4 օրերուն ընթացքին տղաներն աւելի  կապուած են իրար  եւ հրաժեշտի ժամանակ մեծ դժուարութեամբ, արցունքոտ աչքերով  բաժնուած:

«Սփիւռքահայ այն երիտասարդները, որոնք կը ցանկան Հայաստան գալ` մօտէն ծանօթանալու հայրենիքի աւանդոյթներուն, շփուելու հայրենակիցներուն հետ, տեսնելու պատմամշակութային վայրերն ու չհեռանալու իրենց արմատներէն, ապա անպայման պէտք է մասնակցին ՀՀ սփիւռքի նախարարութեան «Արի տուն» ծրագիրին, որ այդ ամէնուն հասնելու բոլոր հնարաւորութիւնները կու տայ»,-զրոյցն ամփոփեց Վերա Քալաշեան:

Գէորգ  Չիչեան