«Հայերն այսօր»-ի փոխանցմամբ` Հայ  բարեգործական ընդհանուր միութեան Պուէնոս Այրէսի մասնաճիւղի «Մարի Մանուկեան» դպրոցի աշակերտները միացած եմ ՀՀ սփիւռքի նախարարութեան նախաձեռնած «Դուն ի՞նչ կ’ընես Ղարաբաղի համար» համահայկական շարժումին:

«Մարի Մանուկեան» դպրոցը Պուէնոս Այրէսի եօթ հայկական դպրոցներէն մէկն է:

Արդէն 35 տարի է, որ ձեւաւորուած աւանդոյթի համաձայն` դպրոցի աւարտական դասարաններու հայ աշակերտները յատուկ ծրագիրով կու գան Հայաստան տեսնելու:

Աւարտական դասարաններու աշակերտները մէկ տարի շարունակ իրենց ծնողներուն հետ հայկական տարբեր կերակուրներ կը պատրաստեն եւ շաբթուան կտրուածքով երկու անգամ` ուրբաթ-շաբաթ օրերուն, այն կը վաճառեն դպրոցի սրահներէն մէկուն մէջ, որ խորհրդանշական ձեւով ճաշարանի կը վերածեն: Ճաշացանկը բաղկացած կ’ըլլայ հիմնականին մէջ Կիլիկիան Հայաստանի ճաշատեսակներէն` հումուս, թաբուլէ, պասուց տոլմա եւ այլն: Հաւաքուած գումարով ամառնային արձակուրդին անոնք Հայաստան կու գան:

Ընդհանուր առմամբ` այս տարիներուն ընթացքին 6000 սփիւռքահայ պատանիներ եւ  աղջիկներ  եկած են Հայաստան, եկած են տեսնելու իրենց պապերու ծննդավայրը: