Սփիւռքի նախարար Հրանոյշ Յակոբեանէն այսօր խորհրդարանին մէջ լրագրողները հետաքրքրուած են, թէ Հայաստանի դրամատուներուն մէջ 1000-ական տոլար դնելու առթիւ սփիւռքահայերուն ուղղուած իր կոչին արձագանգ եղա՞ծ է:

«Օ, այո՜: Երէկ մի այնպիսի մի մեծ գումարի մասին լսեցի, որ հաճոյք ստացայ: Մէկն օրինակ ինձ ասաց, որ 1.5 միլիոն բերեցինք, ներդրեցինք հայկական բանկերում (դրամատուն): Դա հաճոյք էր: Եւ կարող եմ Ձեզ ցոյց տալ այն նամակները, այն հարցադրումները, այն վերաբերմունքը, որ սփիւռքահայերն արեցին: Օրեր առաջ մի կին եկաւ Լիբանանից, 200 հազար դոլար էր բերել եւ խնդրում էր, որ ես օգնեմ, բայց ես ասացի` «Դուք կարող էք բոլոր բանկերում դնել»: Ինձ համար նշանակութիւն չունի որ բանկում, ինձ համար կարեւորը, որ գումարը մեր բանկերում լինի, եւ բանկի տոկոսները ցածրանան»,- ըսած է Հրանոյշ Յակոբեան:

Աւելին` ըստ Հրանոյշ Յակոբեանի, իր կոչէն ետք գումարներու հոսք եղած է, բայց քանի որ երեւոյթը ինքնին գաղտնի է, չեն կրնար հրապարակայնացնել:

Հրանոյշ Յակոբեան նշած նաեւ, որ Գանատայէն սփիւռքահայ մը իւրաքանչիւր դստեր համար 3000-ական տոլար դրած է դրամատուներու մէջ: «Աղմուկը տարածուեց սփիւռքում, իմացան եւ սկսեցին դնել»,- ըսած է ան:

«Մենք սփիւռքին դիտարկում ենք եւ՛ ֆինանսական ռեսուրս (աղբիւր), եւ՛ մտաւոր ռեսուրս (ներուժ), եւ՛ մշակութային ռեսուրս, եւ ընդհանրապէս կապեր, կարողութիւններ, յարաբերութուններ, մօտեցումներ»,-յայտարարած է Սփիւռքի նախարար Հրանոյշ Յակոբեան` մեկնաբանելով Սերժ Թանգեանի, Արսինէ Խանջեանի եւ այլ յայտնի սփիւռքահայերու յայտարարութիւնը, որ սփիւռքը կ՛օգտագործուի միայն ֆինանսական, շահադիտական նպատակներով:

Ան բերած է Հրայր Յովակիմեանի օրինակը, որ 1992-ին Հայաստան գալով` ոչինչ բերաւ, բացի իր խելքէն, փորձէն, իր վիրահատելու հմտութենէն եւ Հայաստանի մէջ ստեղծեց սրտի վիրահատութեան դպրոց ու համակարգ:

Հրանոյշ Յակոբեանի խօսքով` մամոգրաֆիայի կեդրոնը նոյնպէս լաւ օրինակ է, ուր ամէն տարի ստուգման երթալը մշակոյթ դարձած է, եւ այդ գիտելիքն ու փորձը բերուած է սփիւռքէն:

«Սփիւռքը հզօրագոյն պոտենցիալ է (կարողականութիւն-ԵՌԳ)․, որ պէտք է օգտագործել»,- ըսած է Հրանոյշ Յակոբեան:

Ըստ անոր` անցնող 8 տարիներուն 96 մասնագիտական համաժողովներ կազմակերպուած են, որոնց ժամանակ սփիւռքի մասնագէտները հանդիպած են հայաստանեան մասնագէտներու հետ` քննարկումներ եւ ծրագիրներ իրականացնելու եւ փորձի փոխանակման համար:

Նախարարին խօսքով` «Հայաստան» համահայկական հիմնադրամի դրամահաւաքը աչքի կ՛իյնայ, բայց ատիկա ալ Լեռնային Ղարաբաղին օգնելու համար է:

«Ի վերջոյ, ազատ մարդիկ են, ինչ ուզեն, այդպէս էլ կարող են խօսել, մենք չենք կարող նրանց ասել` ինչու՞ էք խօսում»,- ըսած է Հրանոյշ Յակոբեանը` կոչ ընելով լրագրողներին հաշուի առնել, որ նախարարութեան 90 աշխատակիցները կ՛աշխատին 7 միլիոն մարդու հետ, իսկ միւս նախարարութիւնները` 3 միլիոնի:

Հրանուշ Յակոբեանի կարծիքով` բնական է, որ սփիւռքահայերուն կարծիքները պէտք է տարբեր ըլլան, քանի որ անոնք բազմաշերտ են, տարբեր երկիրներու քաղաքական ու տնտեսական վարչակարգերու ազդեցութեան տակ են եւ մեծ պատմութիւն դարձնել պէտք չէ: