Նոյեմբեր 7-ին ՀՀ սփիւռքի նախարար Հրանոյշ Յակոբեան «Այցելութիւններ Հայաստանի մէջ կայացած սուրիահայերուն» ծրագիրի ծիրէն ներս  այցելեց սուրիահայ Սարգիս Եահյէեանի հիմնած «Զէյթունա» արաբական եւ հայկական ուտեստներու ընտանեկան խոհանոց-պանդոկ, հետաքրքրուեցաւ  ճաշացանկով, այցելուներով, շրջեցաւ գեղեցիկ կահաւորուած սրահներուն մէջ:

Նախարարը կարեւոր  համարեց, որ սուրիահայերը կրնան Հայաստանի մէջ յաջող գործարարութիւն իրականացնել, հաստատուիլ Հայրենիքի մէջ:

Տնօրէնը` Սարգիս Եահյէեան, ընտանիքով Հայաստան տեղափոխուած է մէկուկէս տարի առաջ` իր երեխաներուն հետ: Արդէն ութ ամիս է, որ  կ’աշխատին, գոհ են արդիւնքներէն, եւ հաստատ որոշած են մնալ Հայաստանի մէջ: