«Հայերն այսօր»-ի փոխանցմամբ` Յուլիս 26-ին ՀՀ սփիւռքի նախարարութեան «Իմ Հայաստան» համահայկական 3-րդ փառատօնի մասնակից «Արմաւիր» (ՌԴ, Գրասնոտար),  «Արարատ» (ՌԴ, Գրասնոտար), «Կելենճիկ», (ՌԴ,Գրասնոտար), «Աստղիկներ» (ՌԴ, Ռոստով), «Նայիրի» (ՌԴ, Սթաւրոփոլ), «Վարդավառ» (ՌԴ, Մոսկուա) պարախումբերը ելոյթ ունեցան ՀՀ ԶՈՒ զօրամասերէն մէկուն մէջ: Սփիւռքէն ժամանած պարախումբերուն համար ոչ միայն ոգեւորիչ, այլեւ` այնչափ պատասխանատու էր Հայոց բանակի զինուորներուն առջեւ ելոյթ ունենալը:

Սփիւռքեան պարախումբերու պարը ոգեւորած էր նաեւ դահլիճին մէջ հաւաքուած զինուորներուն, որոնք իրենց ծափերով կ’աջակցէին փառատօնի մասնակիցներուն:

Համերգին երաժշտական կատարումներով հանդէս եկան նաեւ Հայկ Եսայեան եւ զօրամասի զինծառայող Մկրտիչ Գէորգեան: