«Հայերն այսօր»-ի փոխանցմամբ` Յուլիս 23-ին ՀՀ սփիւռքի նախարարութեան «Իմ Հայաստան» համահայկական փառատօնի պարարուեստի օրերու ծիրէն ներս Սփիւռքէն ժամանած «Սայաթ-Նովա» (ԱՄՆ), «Պարալէթ» Վրաստան), «Վաչիան» (Վրաստան), «Նայիրի» (ԱՄՆ), «Կիլիկիա» (ՌԴ, Մոսկուա), «Նարեկ» (ՌԴ, Գրասնոտար), «Թերպսիխորա» (Փլատիկորսկ, ՌԴ) պարախումբերը այցելեցին Լոռի մարզ:

Մինչ Լոռիի մարզ մեկնիլը` սփիւռքահայ պարախումբերը փոքրիկ կանգառ կատարեցին Սաղմոսավանքին մէջ:

Երեկոյեան արդէն, Վանաձորի Շառլ Ազնաւուրի անուան մշակոյթի պալատի համերգասրահի լեփ-լեցուն դահլիճին մէջ կայացաւ համերգ, որուն ընթացքին Վանաձորցի հանդիսատեսին իրենց գեղեցիկ կատարումներով ներկայացան ԱՄՆ-էն, Վրաստանէն, Ռուսաստանէն ժամանած պարախումբերը:

Համերգին ներկայ էր Լոռիի մարզպետի տեղակալ Տիգրան Բադոյեան, Լոռիի մարզպետարանի աշխատակազմի կրթութեան, մշակոյթի եւ մարմնակրթութեան վարչութեան պետ Մինաս Սայատեան:

Երեկոյի ընթացքին փառատօնի մասնակիցներուն ողջունեցին Վանաձորի «Հորովել» երգի-պարի դպրոց-արուեստանոցի սաները (գեղ. ղեկավար` Արայիկ Գէորգեան):

Երեկոյի աւարտին Լոռիի մարզպետի տեղակալ Տիգրան Բադոյեան պատուոգիրներ յանձնեց համերգի մասնակիցներուն` Սփիւռքի մէջ հայ պարարուեստը պահպանելու, զարգացնելու եւ տարածելու համար:

«Իմ Հայաստան» համահայկական փառատօնի գեղարուեստական ղեկավար Էդուարդ Եսայեանցը իր խօսքին մէջ շնորհակալութիւն յայտնեց Լոռիի մարզպետարանին եւ վանաձորցիներուն` Սփիւռքէն ժամանած պարախումբերուն ջերմօրէն հիւրընկալելու եւ համերգը յաւուր պատշաճի կազմակերպելու համար:

class=”alignnone size-medium wp-image-199316″ alt=”IMG_7103 խ” src=”http://old.hayernaysor.am/wp-content/uploads/2016/07/IMG_7103-խ-300×200.jpg” width=”300″ height=”200″ />