Յուլիս 12-ին ՀՀ սփիւռքի նախարարութեան «Սփիւռք» ամառնային դպրոց  ծրագիրի «Հայոց լեզուի եւ պատմութեան ուսուցիչներու, կրթական գործի կազմակերպիչներու վերապատրաստում» դասընթացքի մասնակիցները այցելեցին «Էտիթ Փրինթ» հրատարակչատուն, ուր մանրամասն ծանօթացան հրատարակչատան գործունէութեան եւ հրատարակուող գիրքերուն:

«Հայերն այսօր»-ի հետ զրոյցին ՀՀ սփիւռքի նախարարութեան համահայկական ծրագիրներու վարչութեան գիտակրթական ծրագիրներու բաժինի պետ Սիրվարդ Համբարեան նշեց, որ Սփիւռքի նախարարութիւնը մեծ կարեւորութիւն կու տայ` «Սփիւռք» ամառնային դպրոցի ուսուցիչներու վերապատրաստման դասընթացքի մասնակիցներուն ծանօթացնելու հայաստանեան այն բոլոր հրատարակչութիւններու գիրքերուն, որոնց հրատարակած ուսումնական գիրքերը, օժանդակ նիւթերը, տարբեր զրուցարանները, քարտէզները, ալպոմները,  Հայաստանի պետական խորհրդանշաններու հաւաքածոները ստեղծուած են յատկապէս Սփիւռքին տրամադրելու համար:

Սփիւռքահայ ուսուցիչները, կրթական գործի կազմակերպիչները մեծ ոգեւորութեամբ շրջեցան հրատարակչատան մէջ: Անոնց ողջ ընթացքին ուղեկցեցաւ եւ հրատարակչատան ու հրատարակուող գիրքերուն մասին ծանօթութիւններ փոխանցեց Հայ հրատարակիչներու միութեան նախագահ եւ «Էտիթ Փրինթ» հրատարակչութեան նախագահ Մկրտիչ Կարապետեան:

Լուսինէ Գրիգորեան

«Սփիւռք» ամառնային դպրոց ծրագիրի կամաւոր, ԵՊՀ պատմութեան բաժանմունքի սփիւռքագիտութեան ամպիոնի ուսանող