Հոկտեմբերի 18-19-ին Ն.Ս.Օ.Տ.Տ. Գարեգին Բ Ծայրագոյն Պատրիարք եւ Ամենայն Հայոց

Կաթողիկոսի օրհնութեամբ Մայր Աթոռ Սուրբ Էջմիածնում տեղի կ’ունենայ «Եկեղեցի եւ պետութիւն

փոխյարաբերութիւններ. հրամայականներ եւ մարտահրաւէրներ» թեմայով գիտաժողով` կազմակերպուած

նախաձեռնութեամբ Մայր Աթոռի Միջեկեղեցական յարաբերութիւնների բաժնի:

Գիտաժողովին զեկոյցներով հանդէս կը գան Մայր Աթոռի միաբաններ, տարբեր Եկեղեցիների,

ՀՀ պետական կառոյցների, համալսարանների, միջազգային քրիստոնէական եւ հասարակական

կազմակերպութիւնների ներկայացուցիչներ:

Քննարկման նիւթ կը դառնան Եկեղեցի-պետութիւն փոխյարաբերութիւնների ներկայիս

մոդելները Հայաստանում եւ աշխարհի տարբեր երկրներում, կրօնական ազատութեան բնագաւառում

միջազգային օրէնքներն ու չափորոշիչները, Եկեղեցու դերը հասարակական կեանքում, ինչպէս նաեւ

անդրադարձ կը կատարուի ժամանակակից մարտահրաւէրներին: