Հոկտեմբեր 4-ին Ղազախստանի Հանրապետութեան մօտ ՀՀ դեսպան Արա Սահակեան Լ- Կումիլէովի անուան Եւրասիական ազգային համալսարանի Միջազգային յարաբերութիւններու բաժանմունքին մէջ դասախօսութեամբ հանդէս եկաւ ուսանողներու եւ դասախօսներու առջեւ` «Հայաստան. պատմութիւն եւ ներկայ» թեմայով:

Դեսպան Սահակեան ընդհանուր գիծերով ներկայացուց հայ ժողովուրդի պատմական զարգացման

փուլերը, հայկական ինքնութեան կայացման ընթացքը, ինչպէս նաեւ հանգամանալիօրէն անդրադարձաւ

ԼՂ հակամարտութեան, հայ-թրքական յարաբերութիւններու, Հարաւային Կովկասի տարածաշրջանային

անվտանգութեան եւ համագործակցութեան հարցերուն:

Դասախօսութեան աւարտին ՀՀ դեսպանը պատասխանեց ներկաներու հարցերուն, որոնք կ’առնչուէին ԼՂ հակամարտութեան պատմութեան եւ կարգաւորման ընթացքին, հայ-ղազախական յարաբերութիւններու խորացման հեռանկարներուն: Բաժանմունքի ղեկավարութեան հետ ձեռք բերուեցաւ պայմանաւորուածութիւն` մշտական շփումներ պահպանելու վերաբերեալ,- այս մասին կը յայտնեն ՀՀ ԱԳՆ մամլոյ գրասենեակէն: