Նախաձեռնութեամբ ՀՀ սփիւռքի նախարարութեան եւ եւրոպայի համայնքներուն ու կառոյցներուն, Յունիս 12-ին կը մեկնարկէ Նունէ Եսայեանի “Կանք, պիտի լինենք եւ դեռ շատանանք” համերգի շրջագայութիւնը: Առաջին համերգը տեղի պիտի ունենայ Նիկոսիոյ (Կիպրոս) «University of Nicosiaե-ի մեծ բացօթեայ ամֆիթատրոնէն ներս: Կիպրոսի մէջ համերգի Համակազմակերպողն է` Հայոց Ցեղասպանութեան 100-րդ տարելիցի ձեռնարկներըը համակարգող Կիպրոսի յանձնախումբը եւ Կիպրահայ համայնքը: Յաջորդ համերգը տեղի պիտի ունենայ Յունիս 15-ին Աթէնքի մէջ (Յունաստան), նախաձեռնութեամբ` Յունաստանի “Համազգային” հայ կրթական եւ մշակութային միութեան: Վիեննայի մէջ (Աւստրիա) համերգը տեղի պիտի ունենայ Յունիս 17-ին, նախաձեռնութեամբ` Աւստրիոյ Հայ Առաքելական Եկեղեցական խորհուրդի:

Միւնխենի եւ Համպուրկի մէջ (Գերմանիա) համերգը տեղի պիտի ունենայ Յունիս 19-ին եւ 20-ին, նախաձեռնութեամբ` “Հայաստան” համահայկական հիմնդարամի Գերմանիոյ մասնաճիւղի: Մարսէյլի մէջ (Ֆրանսա) համերգը տեղի պիտի ունենայ Յունիս 21-ին, նախաձեռնութեամբ` “Մարսել-պրովանս-արմենի 2015” միութեան: