“Հայերն այսօր”-ը տեղեկացուցած էր, որ Ապրիլ 26-ին ռմբակոծուած էր Հալէպի Ճտէյտէ թաղամասը եւ Ֆարհաթ հրապարակը, որուն կից կը գտնուի Հալէպի Ազգային առաջնորդարանը եւ 15-րդ դարուն կառուցուած Սրբոց Քառասնից Մանկանց Մայր եկեղեցին:

ՀՀ սփիւռքի նախարարութիւնը կապ հաստատած է Սուրիոյ մէջ ՀՀ դեսպան Արշակ Փոլատեանի հետ: Վերջինս տեղեկացուցած է, որ ռմբակոծութեան հետեւանքով վնասուած է Սրբոց Քառասնից Մանկանց եկեղեցւոյ մուտքն ու զանգակատանունը: Բարեբախտաբար զոհեր չկան:

Աւելցնենք, որ Սբ. Քառասնից Մանկանց Մայր եկեղեցին 15-­րդ դարէն առ այսօր Բերիոյ Թեմի առաջնորդանիստ եկեղեցին է եւ պատմականօրէն առաջին անգամ յիշատակուած է 1476­-ին: Անցեալին եղած է նաեւ կաթողիկոսանիստ եկեղեցի, ուր կատարուած են եպիսկոպոսական ու կաթողիկոսական ձեռնադրութիւններ եւ սրբալոյս միւռոնի օրհնութիւններ: Ան սփիւռքի մէջ գործող ամենահին հայկական եկեղեցիներէն մէկն է: Եկեղեցւոյ զանգակատունը կը համարուի Հալէպի ճարտարապետութեան եզակի նմուշներէն: Աւանդոյթի համաձայն` Քառասնից Մանկանց Մայր Եկեղեցւոյ եւ նախկին Սբ. Աստուածածին Եկեղեցւոյ վայրը քրիստոնէական գերեզմանատուն եղած է`իր փոքրիկ մատուռով: