Մարտի 14-ին Նոր Ջուղայի Հայոց ազգային «Կատարինյան« արական դպրոցի  մշակութային աշխատանքների պատասխանատու Սոսե Պողոսյանի նախաձեռնությամբ՝ նույն դպրոցի 7-րդ և 8-րդ դասարանների աշակերտները, ի հիշատակ Հայոց ցեղասպանության  անմեղ զոհերի, պատրաստել են Հայոց ցեղասպանության 100-րդ տարելիցի խորհրդանիշ Անմոռուկը և նրա տեսքով դպրոցի  բակում  ծաղիկ են տնկել:

Աշխատանքի ընթացքում տրվել են բացատրություններ` Անմոռուկի խորհրդանշական իմաստի մասին, այս մասին Իրանից «Հայերն այսօրին» հաղորդում է Երանուշ Թահմազյանը:

Միջոցառմանը ներկա են եղել դպրոցի տեսչությունը, ուսուցչական կազմի ներկայացուցիչները և աշխատակազմը: