Հալեպի Նոր գյուղ շրջանում հրթիռակոծության հետևանքով մահացել է 24-­ամյա Գոգո Գպճյանը: Այս մասին  հաղորդում է Հալեպի «Գանձասար» շաբաթաթերթը:

Պատահարը տեղի է ունեցել փետրվարի 7-­ի կեսօրից հետո, որի հետևանքով վիրավորվել են այլ մարդիկ ևս, որոնց վիճակը ծանր է:

Հայաշատ Հալեպը 2012թ. ամռանից հայտնվել է կառավարական ուժերի և զինված խմբավորումների բախումների թիրախում, և մինչ այսօր բախումներն այնտեղ չեն դադարում: ՄԱԿ-­ի տվյալներով`Սիրիայում մոտ 4 տարի շարունակվող բախումների հետևանքով զոհերի թիվը մոտեցել է 200 հազարի: Զոհված հայերի թիվը գերազանցել է 100­ը: