Հունվարի 14-ին ՀՀ սփյուռքի նախարար Հրանուշ Հակոբյանն ընդունեց Եվրոպայի Հայ Դատի հանձնախմբի նախագահ Գասպար Կարապետյանին:

Գասպար Կարապետյանը 2012թ. ստանձել է Եվրոպայի Հայ Դատի հանձնախմբի նախագահությունը, որի ընթացքում, նրա նախաձեռնությամբ Հայ Դատի գրասենյակներ են բացվել Ավստրիայում, Ռումինիայում, Իսպանիայում, Շվեդիայում, Լեհաստանում և Բալթյան երկրներում:

ՀՀ սփյուռքի նախարարը կարևորեց Եվրոպայի Հայ Դատի հանձնախմբի ազգանպաստ գործունեությունը, մեծ ներդրումը Հայոց Ցեղասպանության միջազգային ճանաչման և դատապարտման գործընթացում:

Քննարկվեցին 2015թ. համատեղ ծրագրերն ու հետագա անելիքները, Եվրոպայում Ցեղասպանության 100-րդ տարելիցինին նվիրված միջոցառումների կազմակերպական հարցեր: