Հուլիսի 31-ին ՀՀ սփյուռքի նախարար Հրանուշ Հակոբյանն ընդունեց Ռյազանի հայ համայնքի ղեկավար, գործարար, բարերար Արամ Ղազարյանին:

Նախարարը բարձր գնահատեց սփյուռքահայ գործչի՝ հայապահպանությանն ուղղված ջանքերը և մայրենի լեզվի պահպանման, զարգացման և տարածման, Հայաստան – Սփյուռք գործակցության ամրապնդման գործում ունեցած ավանդի և համայնքային կյանքին գործուն աջակցության համար Ռյազանի հայկական կիրակնօրյա դպրոցի 20 ամյակի առթիվ Արամ Ղազարյանին պարգևատրեց ՀՀ սփյուռքի նախարարության ոսկե մեդալով:

Նախարար Հ.Հակոբյանը հորդորեց առավել ակտիվացնել համայնքում մայրենի լեզվի պահպանմանն ուղղված ջանքերը և Հայրենիքի հետ կապը: Արամ Ղազարյանը շնորհակալություն հայտնեց սփյուռքի նախարարությանը նման բարձր պարգևի արժանանալու համար և նշեց, որ կշարունակեն ակտիվ համագործակցությունը նախարարության հետ:

Արամ Ղազարյանը ծնվել է Սիրիայում: Այնուհետև ընտանիքը տեղափոխվել է բնակության Հայաստան: Ա. Ղազարյանը սովորել է Ռյազանի  գյուղատնտեսական ինստիտուտում: 1996 թվականից ղեկավարում է «Արմանդ» ընկերությունը: 2010թվականից Ռուսաստանի հայերի միության Ռյազանի տարածաշրջանային  բաժանմունքի  ղեկավարն է, զբաղվում է բարեգործությամբ: