Հուլիսի 1-ին ՀՀ սփյուռքի նախարար Հրանուշ Հակոբյանն ընդունեց ռուս-հայկական կազմակերպությունները համակարգող խորհրդի պատասխանատու քարտուղար,  russia-armenia.info կայքի գլխավոր խմբագիր Արամ Խաչատրյանին  և «Մարս Մեդիա»-ի գլխավոր պրոդյուսերի օգնական, haynews.com կայքի խմբագիր Տիգրան Մանասյանին:

Նախարար Հրանուշ Հակոբյանը ներկայացրեց նախարարության ծրագրերը և  հորդորեց ավելի ակտիվորեն մասնակցել Սփյուռքի նախարարության ծրագրերին,  օգտագործելով էլեկտրոնային մամուլի բոլոր հնարավորությունները և հենվելով  Սփյուռքի նախարարության  ծրագրերի վրա՝ նպաստել հայապահպանության խնդիրների իրագործմանը:

Հանդիպման ընթացքում քննարկվեցին Ռուսաստանի հայերի խնդիրները և հետագա համատեղ ծրագրերը: Պայմանավորվածություն ձեռք բերվեց համագործակցել նախարարության էլեկտրոնային կայքի, նախարարության ծրագրերի լուսաբանման  և այլ ուղղություններով:

Ա. Խաչատրյանը հույս հայտնեց,  որ Սփյուռքի նախարարության հետ համագործակցության սերտացումը էլ ավելի կնպաստի համահայկական ծրագրերի իրականացմանը: