Յուլիս 1-ին ՀՀ սփիւռքի նախարար Հրանոյշ Յակոբեան ընդունեց ռուս-հայկական կազմակերպութիւնները համակարգող խորհուրդի պատասխանատու քարտուղար,  russia-armenia.info կայքի գլխաւոր խմբագիր Արամ Խաչատրեանը եւ «Մարս Մեդիա»-ի գլխաւոր արտադրող օգնական, haynews.com կայքի խմբագիր Տիգրան Մանասեանը:

Նախարար Հրանոյշ Յակոբեան ներկայացուց նախարարութեան ծրագիրները եւ յորդորեց աւելի աշխուժօրէն մասնակցելու Սփիւռքի նախարարութեան ծրագիրներուն, օգտագործելով էլեկտրոնային մամուլի բոլոր հնարաւորութիւնները եւ յենուելով սփիւռքի նախարարութեան  ծրագիրներու վրայ` նպաստել հայապահպանութեան խնդիրներու իրագործման:
Հանդիպման ընթացքին քննարկուեցան Ռուսաստանի հայերու խնդիրները եւ յետագայ համատեղ ծրագիրները: Պայմանաւորուածութիւն ձեռք բերուեցաւ համագործակցելու նախարարութեան էլեկտրոնային կայքի, նախարարութեան ծրագիրներու լուսաբանման եւ այլ ուղղութիւններով:

Ա. Խաչատրեան յոյս յայտնեց,  որ Սփիւռքի նախարարութեան հետ համագործակցութեան սերտացումը ալ աւելի կը նպաստէ համահայկական ծրագիրներու իրականացման: