Սիրելինե´ր,

ՔԵՍԱՊ-ի դժբախտ իրավիճակը եւ անոր բարուոք լուծման սատարումի աշխատանքները ճիշդ հունին մէջ դնելու մտահոգութեամբ  ՌԱԿ Լիբանանի շրջանային վարչութիւնը նախաձեռնած է ստորագրահաւաք մը ուղղուած միջազգային ընտանիքին՝ յանձինս UNESCO-ի, UNHRC-ի, OHCHR-ի,UNHCR-ի, ICRC-ի եւ Council of Europe’s Directorate General of Human Rights and Rule of Law-ի պատասխանատուներուն, իրենց ուշադրութեան յանձնելու Քեսապի պարագան, պատասխանատուութեան հրաւիրելու զանոնք ի տես պատահած մարդկային դժբախտութեան ու իրենց երաշխիքը պահանջելու, ինչ կը վերաբերի գաղթականներու իրավիճակի բարօրութեան, իրենց ետին ձգած մշակութային ժառանգութեան պահպանումին եւ ապահով ու շուտափոյթ տուն դարձին:

Ստորագրահաւաքը ունի հետեւեալ ընդհանուր խորագիրը՝

Preserve the Culture, the Souls, and the Human Dignity of the People of Kessab

Հետեւեալ  կապով՝

http://www.ipetitions.com/petition/preserve-the-culture-souls-and-the-human-dignity

եւ կը նպատակադրէ 10,000 ելեկտրոնային ստորագրութիւն ձեռք բերել շուտով, Լիբանանի մէջ հաւաքուելիք ֆիզիքական ստորագրութիւններուն զուգահեր:

Ձեր կողմէ յարմար նկատուելու պարագային Ձեզմէ կը խնդրէինք Ձեր անձնական ստորագրութիւնները զետեղել այցելելով վերոյիշեալ Link-ը:

Կանխայայտ Շնորհակալութեամբ՝

ՌԱԿ  ԼԻԲԱՆԱՆԻ  ՇՐՋԱՆԱՅԻՆ  ՎԱՐՉՈՒԹԻՒՆ