Հայաստանում բնակվող սիրիահայերին տրամադրվում է պոլիկլինիկական և հիվանդանոցային անվճար բուժօգնություն՝ ներառյալ հետազոտությունները, վիրահատություններն ու բուժումը:

1. Պոլիկլինիկական անվճար բուժօգնություն ստանալու համար անհրաժեշտ է ունենալ փաստացի գրանցում, որը տրամադրում է ՀՀ ոստիկանության անձնագրերի և վիզաների վարչության  (ՕՎԻՐ) տարածքային գրասենյակը:
2. Պետական պատվերի շրջանակներում հիվանդանոցային անվճար բժշկական օգնություն ստանալու համար անհրաժեշտ է դիմել ՀՀ սփյուռքի նախարարություն:

Դիմելիս ներկայացնել տեղեկանք, որտեղ նշված կլինի հիվանդությունը, անհրաժեշտ հետազոտության, բուժման կամ վիրահատության տեսակը: Բժշկական տեղեկանքի վրա պետք է առկա լինի բժշկի ստորագրությունը և բուժհաստատության կնիքը:

Անհրաժեշտության դեպքում կարող եք դիմել նաև «Առաքելություն Հայաստան» բարեգործական կազմակերպություն, Հայկական կարմիր խաչի ընկերություն, Ամերիկայի Հայ ավետարանչական ընկերակցություն՝ «Սիրիահայերի հիմնախնդիրները համակարգող կենտրոն» ՀԿ-ի միջոցով: