2013 թվականի միջազգային մի շարք փառատոներ Կրասնոդարի «Նարեկ» կրթամշակութային կենտրոնի սաների  համար հանդիսացան  շրջադարձային  ու նշանակալի:

 Վերջերս  հայկական դուդուկն ու զուռնան հնչեցին  հեռավոր  Իտալիայի գեղահրաշ Սիցիլիա կղզում: Հայկական ժողովրդական նազանի պարերը  համույթի մենապարուհի Աննա Մոսինյանի  կատարմամբ մեծ հաճույք պարգևեցին հանդիսատեսին և գնահատող հանձնաժողովին: Ամեն անգամ բեմահարթակից հեռանալով՝  Աննան արժանանում էր բուռն ծափահարությունների: Այս անգամ, բացի պարից և երգից, փառատոնի  ծրագրին համապատասխան, «Նարեկ» կենտրոնը ներկայացրեց Նաիրա Հարությունյանի դիզայներական հավաքածուն՝ 1920-30թթ.. «Coco Chanel»-ի մոտիվներով: Միջազգային բոլոր փառատոներից «Նարեկ» համույթի սաները վերադառնում են հրաշալի արդյունքներով, գավաթներով ու պատվոգրերով՝ բարձր պահելով աշխարհասփյուռ հայերի ոգին:

Ամալյա Մոսինյան, Կրասնոդար