Հայաստանի հանրային հեռուստաընկերության նոր եթերաշրջանում մեկնարկել է մի նոր նախագիծ՝ «Կյանքը ափի մեջ»: Հաղորդումը վարում է ՀՀ վաստակավոր արտիստ Լուիզա Ղամբարյանը: Նրա հյուրերը հայտնի մարդիկ են, ովքեր մտերմիկ ու անկեղծ զրույցի ընթացքում ներկայանում են նոր ու հետաքրքիր անձնային որակներով:

Հաղորդման առաջին հյուրերից է ՀՀ սփյուռքի նախարար Հրանուշ Հակոբյանը: Զրույցի ընթացքում շոշափվում են տարբեր հարցեր՝ ընտանիքում հայ կնոջ դերից մինչև կին-ղեկավարի կերպար, Անկախության արժեքից մինչև պետականակերտություն և այլն: