Արևմտահայերեն
Русский
EnglishՀայաստանի արտգործնախարարի և Հունաստանի պաշտպանության նախարարի հանդիպումը
Հոկտեմբերի 29-ին Հայաստանի արտգործնախարար Էդվարդ Նալբանդյանը հանդիպեց Հունաստանի պաշտպանության նախարար Դմիտրիս Ավրամոպուլոսին:
Ողջունելով հյուրին՝ արտգործնախարար Նալբանդյանը նշեց, որ երկու երկրները կապված են բազմաթիվ պատմական և մշակութային առնչություններով, և Հայաստանը մեծապես կարևորում է ավանդական բարեկամ երկրի՝ Հունաստանի հետ հարաբերությունների խորացումն ու ընդլայնումը:
Արտգործնախարարը հավելեց, որ ջերմությամբ է հիշում այս տարվա մարտին իր պաշտոնական այցելությունը Աթենք և հանդիպումը Դմիտրիս Ավրամոպուլոսի հետ որպես Հունաստանի ԱԳ նախարար, ու գոհունակությամբ նշեց, որ այցելության ընթացքում ձեռք բերված պայմանավորվածություններն արդեն կյանքի են կոչվում:
Հունաստանի պաշտպանության նախարարը ընդգծեց, որ շատ բարձր է գնահատում փոխադարձ վստահության վրա հիմնված հայ-հունական միջպետական փոխհարաբերությունները։ Նա ասաց, որ պատմությանը հայտնի են բազմաթիվ դեպքեր, երբ հայ և հույն ժողովուրդները միասնաբար պայքարել են օտարերկրյա նվաճողների դեմ։
Զրուցակիցները քննարկեցին նաև երկկողմ քաղաքական և ռազմական համագործակցությանը վերաբերող հարցեր։
Նախարար Նալբանդյանը ներկայացրեց Լեռնային Ղարաբաղի հիմնախնդրի կարգավորման ուղղությամբ Հայաստանի և միջազգային հանրության կողմից գործադրվող ջանքերը: Այս մասին «Հայերն այսօր»-ը տեղեկանում է ՀՀ ԱԳՆ մամլո գրասենյակից:
