ՀՀ սփյուռքի նախարար Հրանուշ Հակոբյանի շնորհավորական ուղերձը Ավստրալիայի Դաշնային խորհրդարանի անդամ Թիմ Ուիլսոնին 

ԱՎՍՏՐԱԼԻԱՅԻ ԴԱՇՆԱՅԻՆ

ԽՈՐՀՐԴԱՐԱՆԻ ԱՆԴԱՄ

ՊԱՐՈՆ ԹԻՄ ՈՒԻԼՍՈՆԻՆ 

Հարգելի պարոն Ուիլսոն,

Մեծ ուրախությամբ տեղեկացանք, որ ընտրվել եք Ավստրալիայի Դաշնային խորհրդարանի անդամ: Այս կապակցությամբ ընդունեք խնդրեմ ՀՀ սփյուռքի նախարարության և անձամբ իմ սրտագին շնորհավորանքները:

Ժողովրդի վստահությունը վայելելը ամենամեծ պատիվն է, ինչին Դուք հասել եք  Ձեր մարդկային որակներով և ակտիվ գործունեությամբ:

Հայկական համայնքը ուրախությամբ մեզ փոխանցեց այս լուրը և հույս հայտնեց, որ Ձեր գործակցությունը  մեր  համայնքի հետ այսուհետ  պետք է առավել սերտ  լինի: Եվ մենք սիրով սպասում ենք Ձեզ Հայաստանում:

Համոզված եմ, որ լինելով Դաշնային խորհրդարանի անդամ կնպաստեք  հայ-ավստրալական բարեկամության ամրապնդմանն ու զարգացմանը:

Մաղթում եմ Ձեզ անսպառ եռանդ, երկարամյա բեղուն գործունեություն և արդյունավետ աշխատանք:

Լավագույն բարեմաղթանքներով`

ՀՐԱՆՈՒՇ ՀԱԿՈԲՅԱՆ