Մարտի 31-ին ՀՀ Նախագահ Սերժ Սարգսյանի գլխավորած պատվիրակությունը, որի կազմում է նաև ՀՀ սփյուռքի նախարար Հրանուշ Հակոբյանը,  ԱՄՆ-ում այցելել է Սուրբ Ստեփանոս ազգային վարժարան:

«Հայերն այսօրի» փոխանցմամբ՝ վարժարանի տնօրեն Հուրի Բոյամյանի և այլ պատասխանատուների ուղեկցությամբ Սերժ Սարգսյանը շրջել է վարժարանում, հետաքրքրվել կրթական այս հաստատության ընթացիկ գործունեությամբ, առկա խնդիրներով ու ծրագրերով, շփվել վարժարանի սաների և ուսուցիչների հետ: ՀՀ սփյուռքի նախարար Հրանուշ Հակոբյանն էլ գրքեր և ուսումնաօժանդակ նյութեր նվիրեց Վարժարանին:

Սուրբ Ստեփանոս եկեղեցու կողմից հիմնված շուրջ 30-ամյա պատմություն ունեցող այս կրթօջախ են հաճախում համայնքի ամենատարբեր տարիքի 170-ից ավելի երեխաներ: