Թուրքիայի արտաքին գործերի նախարար Մևլութ Չավուշօղլուն այս շաբաթվա վերջին կմեկնի Վաշինգտոն` ջանքեր գործադրելու, որպեսզի ապրիլի 24-­ին ընդառաջ ԱՄՆ նախագահ Բարաք Օբաման չկիրառի «ցեղասպանություն» եզրույթը:

Ինչպես հաղորդում է «Արմենպրես»­ը, թուրքական «Հուրիեթ» պարբերականը գրում է, որ պաշտոնական Անկարան նախատեսում է հույժ կարևոր այց իրականացնել: Հաղորդվում է, որ կիրակի օրը Չավուշօղլուն հանդիպելու է թուրք­ ամերիկյան կառույցների ներկայացուցիչների հետ, իսկ արդեն հաջորդ օրը` ապրիլի 20­-ին ելույթ է ունենալու ամերիկյան մտքի ամենահայտնի կենտրոններից մեկում` Carnegie Endowment­ում:

Ապրիլի 21-­ին Թուրքիայի արտգործնախարարը հանդիպելու է ԱՄՆ պետքարտուղար Ջոն Քերիի հետ: Թուրքական «Հուրիեթ»­ը հոդվածի վերջում երեք կետով առանձնացրել է, թե ինչ կարող է լինել, եթե Օբաման արտաբերի «ցեղասպանություն» եզրույթը: Պարբերականը նախ նշում է, որ նման նախադեպի պայմաններում ամերիկյան կառավարությունը մեծապես կաջակցի ԱՄՆ դատարաններում բացված ցեղասպանության մասին դատական գործերին: Երկրոր՝ եթե ԱՄՆ դաշնային կառավարությունը որոշում ընդունի, որ ցեղասպանություն է կատարվել, Թուրքիան կարող է տանուլ տալ Միացյալ Նահանգների տարբեր շրջաններում հայերի հարուցած փոխհատուցման դատական գործերը:a Երրորդ՝ Օբամայի նման որոշումը կարող է օրինակ դառնալ մյուս երկրների համար, և նման դատական գործընթացներ այլ երկրներում ևս կարող են իրականանալ