Արևմտահայերեն
Русский
English«Սփյուռք ամառային դպրոց-2014». «Ամեն ինչ հրաշալի էր կազմակերպված, շնորհակալություն ՀՀ սփյուռքի նախարարությանը»
«Հայերն այսօրը» շարունակում է ներկայացնել «Սփյուռք ամառային դպրոց-2014» ծրագրի մասնակիցների կարծիքներն ու տպավորությունները.
Ալլա Վարդանյան, Պորտուգալիա
Ծրագրից ստացա գիտելիքներ` և՛ առաջնորդ, և՛ հայ, և՛ մարդ լինելու համար: Ծրագրի ընթացքում ամեն մարդ ազատ էր իր կարծիքն արտահայտելու մեջ:
Ելենա Ոսկանյան, Ուկրաինա, Լվով
Ես շատ շնորհակալ եմ այս ծրագրին մասնակցելու համար: Հայաստանում անցկացրած այս հիասքանչ օրերը ոգևորեցին ինձ: Շատ հետաքրքիր էր հանդիպել տարբեր երկրներում ապրող հայերի հետ, որոնք եկել էին հայրենիք: Նրանք ինձ համար օրինակ էին: Հիանալի նվեր էր այցելությունները Նորավանք, Սմբատաբերդ, Գառնի, Գեղարդ և այլն:
Շնորհակալ եմ բոլորին ծրագրի կազմակերպման և ջերմ ընդունելության համար:
Գայանե Բաբայան, Ուկրաինա, Չեռնիգով
Մասնակցությունը երիտասարդ առաջնորդների դասընթացներին առաջին հերթին ինձ հնարավորություն տվեց Հայաստան այցելել, ուր ես 18 տարի չէի եղել, և զգալ հայրենիքիս շունչն ու ջերմ միջավայրը:
Մարիաննա Մուսաելյան, Ռուսաստանի Դաշնություն, Պոդոլսկ
Ուզում եմ իմ երախտագիտությունը հայտնել ՀՀ սփյուռքի նախարարությանը մեզ ընձեռած այս հնարավորության համար: Դասընթացները տվեցին նոր գիտելիքներ, ծանոթություններ և կապեր, բայց ամենակարևորը, որ ինձ համոզեցին վերադառնալ հայրենիք:
Ինձ շատ դուր եկավ հայրենադարձների հետ հանդիպումը, իսկ ամենահիասքանչ տպավորությունները ստացանք էքսկուրսիաներից:
Ամեն ինչ գերազանց էր:
Հռիփսիմե Շմավոնյան, Ռուսաստանի Դաշնություն, Նովոսիբիրսկ
Առաջին հերթին կուզենայի արտահայտել իմ խորին երախտագիտությունը` հայ երիտասարդների համար կազմակերպվող այսպիսի օգտակար ծրագրի համար: Ես անչափ ուրախ եմ, որ մասնակիցն եմ նման ծրագրի և հետաքրքիր ու օգտակար տեղեկություններ ստանալու հնարավորություն ունեմ, որը կարող եմ փոխանցել Նովոսիբիրսկի հայ երիտասարդներին: Հայաստան այցելելու իմ նպատակը կարելի է համարել հայրենիքիս նկատմամբ նոր հայացքի ձևավորումը:
Անչափ շնորհակալ եմ մեր նկատմամբ հոգատար վերաբերմունքի, համեղ ճաշի և հարմարավետ տրանսպորտի համար: Ոզում եմ իմ խորին երախտագիտությունը հայտնել նաև ուսումնական դասընթացների, հետաքրքիր և ուրախ ծրագրի համար: Կարևորն այն է, որ ես ինձ զգացի մի մեծ ընկերական ընտանիքի մաս, իսկ դա շնորհիվ մեր կազմակերպիչների հոգատարության:
Շարունակե´ք զարգանալ և նոր տպավորություններով ուրախացնել մասնակիցներին:
Նոր հանդիպումների սպասումով: Հնարավորության դեպքում հաջորդ տարի ևս ուրախությամբ կմասնակցեմ:
Անի Ասատրյան, Ռուսաստանի Դաշնություն, Եկատերինբուրգ
Առաջին հերթին ուզում եմ իմ երախտագիտությունն արտահայտել կազմակերպիչներին աշխատանքի և համբերության համար: Ինձ ամեն ինչ դուր եկավ և երբեք չեմ զղջա, որ եկել ու մասնակցել եմ այս դասընթացներին: Այս ծրագրի շնորհիվ ես գտա լավ ընկերներ, հաստատեցի նոր կապեր` հետագա համագործակցության համար, ինչպես նաև` ձեռք բերեցի մեծ փորձ, որը կուզենայի փոխանցել իմ համայնքի անդամներին:
Հնարավորության դեպքում հաջորդ տարի ևս ուրախությամբ կմասնակցեմ:
Մարիաննա Ղուբասարյան, Վրաստան, Ծալկա
Ես շատ ուրախ եմ, որ ինձ հնարավորություն ընձեռնվեց մասնակցելու «Սփյուռք ամառային դպրոց» ծրագրին: Ես առաջին անգամ եմ Հայաստանում և շատ տպավորված եմ: Շատ հետաքրքիր անցան ոչ միայն դասընթացները, այլև` արշավները դեպի Գառնի, Գեղարդ ու Սմատաբերդ, հանդիպումները հայտնի մարդկանց հետ, այցելությունը ՀՀ Նախագահի նստավայր և այլն:
Ամեն ինչ հրաշալի էր կազմակերպված, շնորհակալություն ՀՀ սփյուռքի նախարարությանը:
