Ստեղծագործական խմբի պատմությունը սկսվեց տասը տարի առաջ, երբ ծագումով հայ, բայց կանադաբնակ ֆրանսախոս ռադիոհաղոդավար Պատրիկ Մազբուրյանը եկավ Հայաստան օպերատոր Ալբերտո Ֆայոի հետ ցեղասպանության վերապրածների պատմությունները նկարահանելու: Հայերի ցեղասպանության մասին վավերագրության նկարահանումները` Պատրիկ Մազբուրյանի նոր նախագծով ու Իվ Բեռնարի ղեկավարությամբ, մեկնարկեցին այս տարի: Նկարահանումները սկսեցին նախ Թուրքիայում, հետո տեղափոխվեցին Հայաստան: Ֆիլմում չկան դերասաններ: Բոլորը իրական հերոսներ են` երիտասարդներ: Հարցերը, որոնք հղում են նրանց` ցեղասպանությունն ընդունելու պահանջները հասկանալն է: Վաշինգտոնում ու Նյու Յորքում կփորձեն հասկանալ Genocide բառը չարտասանելու ԱՄՆ քաղաքականությունը: Պորտուգալացի Ինեշ Ֆարոն նախագծի լրագրողն է ու սցենարիստը: Նրա հարցերի շնորհիվ են մասնակիցներն անկեղծանում, երբեմն նաեւ բարկանում ու հրաժարվում նկարահանումից:

Վավերաֆիլմի անունը դեռ որոշված չէ: Նախագծի բյուջեն 1 միլիոն եվրոյից ավելի է: 53 րոպե տեւողությամբ ֆիլմը, ֆրանսերեն ու անգլերեն լեզուներով, եվրոպական, կանադական եւ ամերիկյան հեռուստալիքների եթերներում կհայտնվի հաջորդ տարի, ապրիլի 24-ին նախորդող ու հաջորդող օրերին:

Հեղինակ` Լուսին Մկրտչյան

armnewstv.am