Ստեղծագործական խումբի պատմութիւնը սկսաւ տաս տարի առաջ, երբ ծագումով հայ, բայց քանատաբնակ ֆրանսախօս ռատիօհաղոդավար Փաթրիկ Մազպուրեան եկաւ Հայաստան նկարահանող Ալպերթօ Ֆայոի հետ ցեղասպանութեան վերապրածներու պատմութիւնները նկարահանելու: Հայերու ցեղասպանութեան մասին վաւերագրութեան նկարահանումները` Փաթրիկ Մազպուրեանի նոր նախագիծով ու Իվ Պեռնարի ղեկավարութեամբ, մեկնարկեցին այս տարի: Նկարահանումները սկսան նախ Թուրքիոյ մէջ, յետոյ տեղափոխուեցան Հայաստան: Շարժանկարին մէջ չկան դերասաններ:

Բոլորը իրական հերոսներ են` երիտասարդներ: Հարցերը, որոնք կը յղեն անոնց` ցեղասպանութիւնը ընդունելու պահանջները հասկնալն է: Ուաշինկթընի  ու Նիւ Եորքի մէջ կը փորձեն հասկնալ Genocide բառը չարտասանելու ԱՄՆ քաղաքականութիւնը: Փորթուկալցի Ինեշ Ֆարոն նախագիծի լրագրողն է ու սենարիստը: Անոր հարցերու շնորհիւ  մասնակիցները անկեղծութեամբ, երբեմն նաեւ կը բարկանան ու կը հրաժարին նկարահանումէն:

Վաւերաֆիլմի անունը դեռ որոշուած չէ: Նախագիծի պիւտճէն 1 միլիոն եւրոյէ
աւելի է: 53 վայրկեան տեւողութեամբ շարժանկարը, ֆրանսերէն ու անգլերէն լեզուներով, եւրոպական, քանատական եւ ամերիկեան հեռուստալիքներու եթերներուն կը յայտնուի յաջորդ տարի, ապրիլ 24-ին նախորդող ու յաջորդող օրերուն:

Հեղինակ` Լուսին Մկրտչեան

armnewstv.am