ՀՀ սփյուռքի նախարար Հրանուշ Հակոբյանն ընդունեց Հայկական բարեգործական ընդհանուր միության (ՀԲԸՄ) նախագահ Պերճ Սեդրակյանին: Հանդիպմանը ներկա էր նաև ՀԲԸՄ Կենտրոնական վարչության ժողովի անդամ Վազգեն Յակուբյանը:

Նախարարը ողջունեց հյուրերին, իր գոհունակությունը հայտնեց  Հայրենիքում և Սփյուռքում Հայ բարեգործական ընդհանուր միության արդյունավետ գործունեության առնչությամբ, բարձր գնահատեց Սփյուռքում հայապահպանության ուղղությամբ կառույցի  իրականացրած քայլերը:

Կողմերը անդրադարձան ՀԲԸՄ գործող ծրագրերին, ինչպես նաև երիտասարդության շրջանում առաջիկայում իրականացվելիք աշխատանքներին: Ներկայացնելով միության ծրագրերը` ՀԲԸՄ նախագահ Պ.Սեդրակյանը ընգծեց երիտասարդ հայ մասնագետների համախմբման կարևորությունը, նոր սերնդի տաղանդավոր և կայացած ներկայացուցիչների ներուժի բացահայտման և արդյունավետ կիրառման ուղղությամբ համատեղ ծրագրերի մշակումն ու իրականացումը:

Քննարկվեցին Համահայական խորհրդի ձևավորմանն առնչվող հարցեր,  ինչպես նաև երկուստեք կարևորվեցին հետագա համագործակցության խորացմանը և առաջիկայում համատեղ նոր ծրագրերի իրականացման հնարավորությունները: